ನವದೆಹಲಿ/ಬೆಂಗಳೂರು: ಮುಂದಿನ ಮೂರು ತಿಂಗಳಲ್ಲಿ ತಾಂತ್ರಿಕ ತಂಡಗಳು ಮತ್ತು ಸಂಬಂಧಪಟ್ಟ ಜಿಲ್ಲಾ ಚುನಾವಣಾಧಿಕಾರಿಗಳೊಂದಿಗೆ ವಿವರವಾಗಿ ಚರ್ಚಿಸಿ ನಂತರ ದೀರ್ಘಾವಧಿಯಿಂದ ಬಾಕಿ ಇರುವ ನಕಲಿ ಎಪಿಕ್ ಸಂಖ್ಯೆಗಳ ಸಮಸ್ಯೆಯನ್ನು ಪರಿಹರಿಸಲು ಭಾರತೀಯ ಚುನಾವಣಾ ಆಯೋಗ ನಿರ್ಧರಿಸಿದೆ.
ನಕಲಿ ಎಪಿಕ್ ಸಂಖ್ಯೆಗಳ ವಿಷಯಕ್ಕೆ ಸಂಬಂಧಿಸಿದಂತೆ, ಚುನಾವಣಾ ಆಯೋಗವು ಈಗಗಲೇ ಹೆಚ್ಚಿನ ಗಮನವನ್ನು ಹರಿಸಿದೆ. ಎಪಿಕ್ ಸಂಖ್ಯೆಯನ್ನು ಒಂದು ನಿರ್ದಿಷ್ಟ ಮತದಾನ ಕೇಂದ್ರದಲ್ಲಿ ಮಾತ್ರ ಮತ ಚಲಾಯಿಸಬಹುದಾಗಿದೆ. ಬೇರೆಲ್ಲಿಯೂ ಮತ ಚಲಾಯಿಸಲು ಸಾಧ್ಯವಿಲ್ಲ. ಎಪಿಕ್ ಸರಣಿಯ ಹಂಚಿಕೆಯ ನಂತರ. 2000 ನೇ ಸಾಲಿನಲ್ಲಿ ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶಗಳ ಕೆಲವು ಇ.ಆರ್.ಓ ಗಳು ಸರಿಯಾದ ಸರಣಿಯನ್ನು ಬಳಸಲಿಲ್ಲ. ಇದರಿಂದಾಗಿ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳ ಚುನಾವಣಾ ಪಟ್ಟಿಯಲ್ಲಿ ನಕಲಿ ಸಂಖ್ಯೆಗಳ ಹಂಚಿಕೆಯ ಸಮಸ್ಯೆಯನ್ನು ಕಂಡುಹಿಡಿಯಲು ಸಾಧ್ಯವಾಗಲಿಲ್ಲ. ಈ ಸಮಸ್ಯೆಯನ್ನು ನಿವಾರಿಸಲು ಚುನಾವಣಾ ಆಯೋಗ ತೀವ್ರ ಸ್ವರೂಪದ ಕ್ರಮಗಳನ್ನು ತೆಗೆದುಕೊಳ್ಳಲು ಮುಂದಾಗಿದೆ.
ಪ್ರಪಂಚದ ಅತಿದೊಡ್ಡ ಡೇಟಾಬೇಸ್:
ಭಾರತದ ಚುನಾವಣಾ ಪಟ್ಟಿ ಸುಮಾರು 99 ಕೋಟಿಗಿಂತಲೂ ಹೆಚ್ಚು ನೋಂದಾಯಿತ ಮತದಾರರನ್ನು ಹೊಂದಿರುವ ಪ್ರಪಂಚದ ಮತದಾರರ ಅತಿದೊಡ್ಡ ಡೇಟಾಬೇಸ್ ಆಗಿದೆ. ಚುನಾವಣಾ ಆಯೋಗ ಪ್ರತಿವರ್ಷ ವಾರ್ಷಿಕ ವಿಶೇಷ ಸಾರಾಂಶ ಪರಿಷ್ಕರಣೆ (ಎಸ್‌ಎಸ್‌ಆರ್) ನಡೆಸುತ್ತಾ ಬಂದಿದ್ದು, ಚುನಾವಣಾ ಪಟ್ಟಿಯನ್ನು ಸಹ ಪರಿಷ್ಕರಿಸಿ ನವೀಕರಣ ಮಾಡುತ್ತದೆ. ಇದು ಪ್ರತಿವರ್ಷ ಅಕ್ಟೋಬರ್-ಡಿಸೆಂಬರ್ ಅವಧಿಯಲ್ಲಿ ನಡೆಯುತ್ತದೆ.
ಮತದಾರರ ಪರಿಷ್ಕರಣೆ ಪ್ರಕ್ರಿಯೆ ಹೀಗಿದೆ:
ಜನವರಿ ತಿಂಗಳಿನಲ್ಲಿ ಮತದಾನಕ್ಕೆ ಹೋಗುವ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳು ಚುನಾವಣೆಗೆ ಮುಂಚಿತವಾಗಿ ಎಸ್‌ಎಸ್‌ಆರ್ ಅನ್ನು ನಡೆಸುತ್ತದೆ. ಇತ್ತೀಚೆಗೆ ಮುಕ್ತಾಯಗೊಂಡ ಎಸ್‌ಎಸ್‌ಆರ್ 2025 ಗಾಗಿ, ವೇಳಾಪಟ್ಟಿಯನ್ನು 2024ರ ಆಗಸ್ಟ್ 7 ರಂದು ನೀಡಲಾಗಿತ್ತು. ಅಂತಿಮ ಪಟ್ಟಿಯನ್ನು 2025 ಜನವರಿ 6 ರಿಂದ 10 ರಂದು ಪ್ರಕಟಿಸಲಾಗಿತ್ತು.
ಪ್ರತಿ ಬೂತ್‌ನಲ್ಲಿ, ರಾಜ್ಯ ಸರ್ಕಾರದ ಅಧಿಕಾರಿಗಳಲ್ಲಿ ಚುನಾವಣಾ ನೋಂದಣಿ ಅಧಿಕಾರಿ (ಇಆರ್‌ಒ) ಬೂತ್ ಮಟ್ಟದ ಅಧಿಕಾರಿಯನ್ನು (ಬಿಎಲ್‌ಒ) ನೇಮಕ ಮಾಡುತ್ತಾರೆ. ಅದೇ ರೀತಿ ಪ್ರತಿ ಬೂತ್‌ನಲ್ಲಿ, ರಾಜಕೀಯ ಪಕ್ಷಗಳಿಗೆ ಬೂತ್ ಮಟ್ಟದ ಏಜೆಂಟರು ನೇಮಕ ಮಾಡುವ ಹಕ್ಕಿದೆ. ಸಂಬಂಧಪಟ್ಟ ಬೂತ್‌ನ ಚುನಾವಣಾ ಪಟ್ಟಿಯನ್ನು ಪರಿಶೀಲಿಸುವ ಹಕ್ಕಿದ್ದು, ಅಸಂಗತಿಗಳ ಬಗ್ಗೆ ದೂರು ನೀಡಲು ಎಲ್ಲಾ ಬಿ.ಎಲ್.ಎ ಗಳಿಗೆ ಅಧಿಕಾರ ನೀಡಲಾಗಿದೆ.
ಮನೆಯಿಂದ ಮನೆಯ ಕ್ಷೇತ್ರ ಪರಿಶೀಲನೆಯ ನಂತರ, ಸಂಬಂಧಪಟ್ಟ ಬಿ.ಎಲ್.ಓ ಶಿಫಾರಸುಗಳನ್ನು ಸಂಬಂಧಪಟ್ಟ ಇ.ಆರ್.ಓ ಗೆ ಸಲ್ಲಿಸುತ್ತಾರೆ. ಎಲ್ಲ ಸಂಗತಿಗಳನ್ನು ಗಣನೆಗೆ ತೆಗೆದುಕೊಂಡ ನಂತರ, ಚುನಾವಣಾ ಪಟ್ಟಿಯನ್ನು ನವೀಕರಿಸಲು ಪ್ರತಿ ಮತದಾರರ ವಿವರಗಳನ್ನು ಪರಿಶೀಲಿಸಲಾಗುತ್ತದೆ. ಸಿದ್ಧಪಡಿಸಿದ ಕರಡು ಚುನಾವಣಾ ಪಟ್ಟಿಯನ್ನು ವೆಬ್‌ಸೈಟ್‌ನಲ್ಲಿ ಪ್ರಕಟಿಸಲಾಗುತ್ತದೆ. ಇದನ್ನು ರಾಜಕೀಯ ಪಕ್ಷಗಳು ಮತ್ತು ಸಾರ್ವಜನಿಕರಿಗೆ ಲಭ್ಯವಾಗುವಂತೆ ಮಾಡಲಾಗುತ್ತದೆ.
ಕರಡು ಚುನಾವಣಾ ಪಟ್ಟಿಯನ್ನು ಪರಿಶೀಲಿಸಿದ ನಂತರ ಒಂದು ತಿಂಗಳ ಅವಧಿಯಲ್ಲಿ ಪಡೆದ ಯಾವುದೇ ಹಕ್ಕುಗಳು ಮತ್ತು ಆಕ್ಷೇಪಣೆಗಳನ್ನು ಇತ್ಯರ್ಥಪಡಿಸಿದ ನಂತರ ಅಂತಿಮ ಪಟ್ಟಿಯನ್ನು ಪ್ರಕಟಿಸಲಾಗುತ್ತದೆ. ಇವುಗಳನ್ನು ರಾಜಕೀಯ ಪಕ್ಷಗಳಿಗೆ ಮತ್ತು ಲಭ್ಯವಿರುವ ಮತದಾನ ಕೇಂದ್ರಗಳಿಗೆ ಲಭ್ಯವಾಗುವಂತೆ ಮಾಡಲಾಗುತ್ತದೆ. ಇಸಿಐ ವೆಬ್‌ಸೈಟ್‌ https://voters.eci.gov.in/download-eroll ನಲ್ಲಿ ಸಹ ಪ್ರಕಟಿಸಲಾಗುತ್ತದೆ. ಯಾವುದೇ ವ್ಯಕ್ತಿಗೆ ಯಾವುದೇ ಆಕ್ಷೇಪಣೆ ಇದ್ದರೆ, ಆರ್.ಪಿ ಕಾಯ್ದೆ 1950 ರ ಸೆಕ್ಷನ್ 24 (ಎ) ಅಡಿಯಲ್ಲಿ ಡಿಎಂ/ಜಿಲ್ಲಾ ಸಂಗ್ರಾಹಕ/ಕಾರ್ಯನಿರ್ವಾಹಕ ಮ್ಯಾಜಿಸ್ಟ್ರೇಟ್‌ಗೆ ಮನವಿಯನ್ನು ಸಲ್ಲಿಸುವ ಅವಕಾಶ ಇರುತ್ತದೆ. ಮೊದಲು ಮೇಲ್ಮನವಿ ಪ್ರಾಧಿಕಾರದ ನಿರ್ಧಾರದಿಂದ ವ್ಯಕ್ತಿಯು ತೃಪ್ತರಾಗದಿದ್ದರೂ ಸಹ, ಆರ್.ಪಿ ಕಾಯ್ದೆ 1950 ರ ಸೆಕ್ಷನ್ 24 (ಬಿ) ಅಡಿಯಲ್ಲಿ ಸಂಬಂಧಪಟ್ಟ ರಾಜ್ಯ/ ಕೇಂದ್ರಾಡಳಿತ ಪ್ರದೇಶದ ಮುಖ್ಯ ಚುನಾವಣಾ ಅಧಿಕಾರಿಗೆ ಎರಡನೇ ಮನವಿಯನ್ನು ಸಲ್ಲಿಸಬಹುದಾಗಿದೆ.